دشنت الأذرع الألكترونية المخابراتية على “تويتر” هاشتاج حمل إسم #اسال_الرئيس ” كتكرار للوسم الذى دشن أكثر من مرة ،بدعوى الاتصال بالشعب،إلا أن الهاشتاج جاء بما لاتشته سفن العسكر بعد الهجوم على المنقلب عبد الفتاح السيسي، نرصد منه مايلي:

حساب ساخر باسم “محمد حسني مبارك ” علق على الهاشتاج فكتب ..#اسال_الرييس هو بيقول جملة مفيدة عشان تسألوة.

محمد غربلي كتب..#اسأل_الرئيس متى تنتهي مدة عهدك الانقلابي وتأخذ عصابتك معك ؟ وهل سوف تكون وجهتك السعوديه أو الأمارات.

ميرفى علق بتغريدة قصيرة فكتبت.. مش ندمان بعد ما خربت البلد.ووضعت صورة تعبيرة للإعلامية ريهام سعيد.

وسخر “منى” فقالت..مش الجيش والشعب إيد واحده، امتي هتكون مستشفياتنا واحدة، مرتباتنا واحدة، معاشتنا واحدة.

نهاد غردت ساخرة ..أنا شايفه إن الشعب مش عاجبو حاجه وتاعبك وأنت وراك حاجات أهم مننا ،ليه متستقيلش وتسيبنا بدل ما إحنا مضايقيينك كده.

 جناب الكومندا المهم فعلق ..بس متقولش رئيس قول #اسال_بلحة.

#أسامة_كمال:صفحة الرئيس عبد الفتاح السيسي، على “فيس بوك” و”تويتر”، والصفحة الرسمية للمؤتمر الوطني للشباب، أعلنوا عن فتح باب تلقّي الأسئلة ضمن مبادرة ” #اسأل_الرئيس  ابتداء من يوم 17 يوليو لحد 24 يوليو.

الأسئلة المرة دى هتكون موجّهة من شباب جامعات مصر للرئيس

رحيم عبد الهادي كتب..مش هتبطل صب فى المصلحة يا ريس احنا اتهرينا .تبعتة  ليدي نانا  فكتبت..متى سنري عودة الدولار إلي سعره الطبيعي أو علي الأقل كما كان ،الأسعار ولعت أوي والحاجات بتزيد كل شهر.

أما أسامة فعلق..#اسال_الرييس العاصمة الإدارية هيكون فيها مكان للفقراء؟

أبو عمر غرد على الهاشتاج هو الآخر فكتب تساؤلات..هو امتي الحال هيتعدل؟

ارتفاع أسعار الأكل،ارتفاع المواصلات،في المقابل،المرتب زي ما هو،الحياة بقت زفت،العيشة مر .. ولا أيام مبارك حتي ،بل أسوأ بمراحل،عايز إجابة و حل.فعلا مفيش فلوس ..مفيش أي حاجة نقدمها لعيالنا.

أحب وطني تساءل هو الآخر فغرد.. معلومة قالها وزير الإسكان في نوفمبر  135 مليار جنيه تكلفة مرافق المرحلة الأولى بالعاصمة الجديدة”،و معلومة تانية قالها وزير التنمية المحلية،قرى مصر تحتاج 142 مليار جنية لتوصيل المرافق،مصر فيها 4740 قرية… فيها إيه لو وجهنا المبلغ بتاع عاصمة الصفوة لكل القري.

مغرد صعيدي ..أقوله ياريس انت فعلا رئيس(عصابة)..عنوانك للخيانة والخسة والحقارةوالسفالة والسرقة والنصب والاحتيال والاغتصاب. والكذب والمرتزقة والانقلاب ،أنتم من أفسدتم الحياة.

 جدير بالذكر أن الإعلامى أسامة كمال كتب على صفحة قائلا:إن صفحة عبد الفتاح السيسي، على “فيس بوك” و”تويتر”، والصفحة الرسمية للمؤتمر الوطني للشباب، أعلنوا عن فتح باب تلقّي الأسئلة ضمن مبادرة ” #اسأل_الرئيس  ابتداء من يوم 17 يوليو لحد 24 يوليو.مردفا:الأسئلة المرة دى هتكون موجّهة من شباب جامعات مصر.

 

 

رابط دائم