ظهر سيف صفوان ثابت في بودكاست يتناول مرارة الاعتقال وحالات الاحباط والقهر داخل السجن والمتعلقة بموت والدته وهو ووالده معتقلان، فضلا عن المعاناة الشخصية مع ظروف السجن لا سيما ما يتعلق بالتريض وسوء حالة حمامات السجن.
الحوار الذي أجراه شاب هاو يدعى "أنس بوخش" ويعتقد أنه نجل أحد المسئولين الاماراتيين ويدعى (رشاد بوخش) وكان رئيسا لبلدية دبي وله اهتمامات تراثية، وسمحت سلطات الانقلاب لـ"بوخش" الإماراتي بما لم تسمح به لكثير من الشباب المصريين، بـ"بودكاست" يستضيف فيه المشاهير من الفن والاقتصاد وكان هذه المرة مع سيف صفوان ثابت.
تفاصيل الحدث مع حسن عادل Hassan Adel الذي سلط الضوء على تفاصيل في الحوار الأشبه بالإذاعي صوتا والافتراضي في إخراجه ..
وقال: ".. كلام وردود سيف تضمنت حديثه عن والده وتربيته لهم.. وأن أهله طبقة وسطى وكانوا دائما رغم تربيتهم في طبقات عليا يذكرونه وإخوته بأصلهم .. كلامه عن عدم إجبار والده له على اختياره لمجاله.." معلقا، "تقريبا أول واحد من الطبقات دي يقول إنه اشتغل في الصيف في كل الشغلانات في مصنع والده .. وأبقى شاري وحاسس بصدق كلامه وأنه حتى كلامه عن الرياضة وإزاي بتشيل التوتر كان لطيفا وبلا مبالغات أحاديث التنمية البشرية.. ".
وتطرق سريعا إلى تفاصيل قصها سيف في زيارة والدته وآخر مرة قبل موتها عندما "خلعت الحجاب" أمام نجلها "وبتوريه نفسها وقد تزينت عشان تفضل آخر صورة ليها في ذاكرته وهي جميلة .. وبتوصيه ما يبلغش باباه (بيشوفه في التجديدات)" مستعرضا كيف كان الشعور القاتل.
وأشار إلى مفارقة خروجه من السجن ليدفن والدته وحجم حزنه عليها.. وفي نفس الوقت لقاؤه عياله "مشافهمش من سنتين".. فكانت مشاعره غريبة للغاية وسط الجنازة..
ولفت إلى أن كلامه (رحت بعدها شوفت كلام والدته لما كانت بتناشد أي حد يتحرك) عن إن والده لا يشتكي .. موضحا أنه شخصيا استفاد "..مهما حصله داخل السجن صعب حد يعرف.. عشان والده هيبقى حريص ما يخوفش حد عليه فهمني إزاي صمدوا دون خسارة ومصادرة رزقهم وأكل عيشهم ..".
حسن عادل وضع مقارنة خفيفة عن أن "نجيب ساويرس آخر سنتين تقريبا شوفته في بتاع 3 بودكستات بيتكلم عن.. جحيم ثورة يوليو وعبد الناصر على أسرته (كونهم اتأمموا).. ومن بعدها حديثه عن شعوره بنفس التهديات وقت حكم الإخوان.. أتمنى يشوف أن الحكم العسكري اللي بيشوفه "أفضل الوحش" بيجني على رجال أعمال كذلك، بس من التانيين"..!
المعاناة الشخصية
وأضاف أن "جزء كلام سيف عن معاناته في الانفرادي سنتين دون تريض.. وضمن هذه المعاناة معاناة الحمام.. من قريب قابلت صديقا قضى سنتين كذلك وخرج.. وكنت بفكر قبلها أسأله أكتر سؤال بيشغل بالي لما بفكر في هذا الموضوع ولا لأ (سؤال الحمام).. في النهاية ووسط ما بنحكي في حوارات كتير ملهاش علاقة بالسجن.. ولقيتني برميهاله كده "عملت إيه في الحمام".. "معلش بس ده أكبر فيلم رعب بالنسبالي"
واهتم بقصة معاناة سيف مع "الحمام" أو بيت العذاب في السجن وأنه "كان كل ما يعمل حمام يجيله اكتئاب.. وأنه فضل فترة طويلة يعاني مع هذا الشأن.. لحد ما قرر يجبر نفسه على الزعل بشكل أقل تدريجياً.. لحد ما الموضوع مبقاش يزعله.. ".
وأضاف "قدر يحس بكل المزايا اللي بيتمتع بيها في الزنزانة الإنفرادي.. لحد ما تجاوز السنتين.. قدر يتجاوز حتى، أصعب مواقف جوه السجن.. وهي بشرى الأمل الكاذبة، على كثرة تكرارها.. والاعتياد على زف خبر "هانت" وهي ما هانتش ولا حاجة.. أكبر تطبيق حرفي لـ"لكي لا تأسوا على مافاتكم ولا تفرحوا بما اتاكم" ..
عتاب حسن عادل أنه الحلقة 38 دقيقة.. "تخرج منها لا عارف هو اتسجن ليه ولا خرج ليه ولا مين سجنه ولا عمل كده ليه فيه وفي أهله.. ولا أي كلام يدين من حبس "حراً" سنتين في عزل انفرادي.. هو وأبوه الطاعن في العمر.. ولا العصابة اللي سمحت بموت ست من القهر على زوجها وعيالها.. ولسه بتحكم ولسه حابسه ناس تانيه من عيلتهم وآلاف من غيرهم.. آه يا سيدي جايز سيف نفسه طلب ده ومش عايز يستطرد في ده.. جايز أي برنامج مصري تاني مكنش استضافه أصلا".
وابرز في ختام متابعته جزءا من جملة اعتمدها سيف في حواره وهي: "تصبر أو لا تصبر فإن قدر الله نافذ".
https://www.facebook.com/photo/?fbid=25357257210527655&set=a.149804591699598
وعلقت فاطم عبدالحليم "قصة صفوان ثابت دي عمرها ماكانت مفهومة .. الناس دي اتحبست ليه ؟.. طب خرجت ليه ؟.. تقريبا كان الغرض منها يتعمل فيها زي ما اتعمل ف بسكو مصر .. والهدف هو تحويل اي أصل مصري اصيل تابع للشباب او رجال أعمال مصرية بدون ما يكون ليهم أسهم أو ايد مشبوهة ف اي نشاط بقى حاجة مستحيلة.. لازم جهة معينة كدة تحط أيدها ع اي شركة والا يلا حبس".
مساومة سيف ثابت
وفي 20 مارس 2022 كشفت الناشطة الحقوقية والمعتقلة السابقة منى سيف عبر Mona Seif عن أن شقيقها المعتقل حاليا في سجون السيسي علاء عبدالفتاح تحدث عن مساومة تمت بين سيف صفوان ثابت وبين الأجهزة التي تعتقله..
وقالت "علاء اتكلم عن سيف صفوان ثابت قدام المحكمة في نوفمبر الماضي. جزء من كلمة علاء: "عشان افهم لازم ابص علي مثال واضح فيه سبب. فانا هاخد مثال سيف صفوان ثابت. الكل يعلم .. هو متهم طبعا بالانضمام لجماعة إرهابية .. أبوه صفوان ثابت ممثل شركة جهينة، طلع قرار سيادي بنقل ملكية الشركة إلى صندوق سيادي. الراجل لم يقبل عرض ما، تعرض لضغوط ما لابتزاز ما، لم يتجاوب معهم ، حبسوه. نيابة أمن الدولة على طول: انضمام وتمويل جماعة إرهابية، روح على سجن العقرب.
وسيف اتخطف راح علي المخابرات العامة، يمكن تصوروا ان الابن ممكن يكون طري .. أكثر مرونة من الأب بحكم الجيل مثلا أو لأن عنده بنت صغيرة أظن، عنده أولاد صغار. والحقيقة ان سيف فعلا أكثر مرونة من أبوه، فهو عرض عليهم التفاهم. قالهم انتو مش محتاجين تاخدوا شركة جهينة، انتو عاملين استثمارات تقدر بـ ٤ مليارات جنيه في شركة للصناعات الغذائية ومتخصصة في إنتاج الألبان، ده استثمار ضخم جدا اكبر من اي حد في السوق. ولكن انتوا مش عارفين تديروا هذه الشركة، وانا عندي الخبرة بالسوق والمعرفة الفنية اللي انتو عاوزينها، وانا مستعد اني ادير لكم الشركة دي بدون حصة في الملكية، فقط بالمرتب اللي انتوا ترتضوه مقابل انكم تكفوا أيديكم عن أبويا وعن عائلتي وتبطلوا تحرش بيها وتوقفوا مطامعكم في الشركة.
راجل عاقل جدا أقر بأن هم معاهم السلطة ومعاهم القوة ومعاهم السيادة بغض النظر عن أي اعتبارات قانونية، وبيدور علي حل، حل وسط . طبعا هم لم يتفهموا هذه العقلانية وراحوا باعتينه على العباسية مقر الأمن الوطني هناك واتعامل معاملة بتاعة كل الناس هناك، قاعد على فرشته 24 ساعة الا في الاوقات اللي بيتحقق معاه فيها او بيتضغط عليه علشان يتنازل فيها.
اتنازل عن حصتك في الشركة للصندوق السيادي يقولهم مش هأتنازل. انت يا عم مجنون انت مستقتل، يقولهم أنا مش مجنون ولا مستقتل أنا عرضت عليهم عرض والعرض ده لو كانوا بيفهموا هو تنازل، لكن هو التنازل اللي انا ممكن اقبل بيه، أنا ممكن أقف أقول لولادي أن أنا اشتغلت عند منافس للشركة اللي بناها ابويا ولكن في الآخر انا فتحت بيوت وعملت تنمية وحميت اهلي. أما ان أتنازل فأهدم ما بناه أبويا، الناس دي جراد مش عارفين اصلا يشغلوا الاستثمارات بتاعتهم، لو خدوها هيخربوها .. أنا ما بأتنازلش عن اللي بناه أبويا. "
https://www.facebook.com/photo/?fbid=10159707307434454&set=a.455939309453
وفي 21 يناير 2023 فاجأت مريم صفوان ثابت (Mariam Safwan Thabet) الجميع بخروج والدها واخيها من السجن وكتبت "فَاسْتَجَبْنَا لَهُ وَنَجَّيْنَاهُ مِنَ الْغَمِّ .. أستجاب الله الدعوات …ابويا صفوان ثابت وأخويا سيف الدين ثابت معانا …أقسمنا عليك يارب تفرجها على كل المظاليم عن قريب …"، حيث نفذ سجن بدر قرار نيابة أمن الدولة العليا الصادر بإخلاء سبيل رجل الأعمال ومؤسس شركة جهينة، صفوان ثابت، ونجله سيف.
وبعدها بنحو شهر، وافق مجلس إدارة شركة جهينة بالإجماع في 13 فبراير 2023، على تعيين نجل مؤسس الشركة سيف صفوان ثابت نائبًا لرئيس مجلس الإدارة عقب الإفراج عنه بعد أكثر من عامين في الحبس.
وكانت قوات الأمن قد ألقت القبض على ثابت الأب في الثاني من ديسمبر 2020، وأدرجته النيابة من وقتها على ذمة التحقيقات في القضية رقم 865 لسنة 2020، ووجهت له اتهامات بـ«تمويل الإرهاب، ومشاركة جماعة أُسست على خلاف القانون أغراضها»، وبعد شهرين، انضم الرئيس التنفيذي السابق لـ«جهينة»، سيف ثابت (نجل صفوان الأكبر) إلى المتهمين في القضية، وحُبس احتياطيًا على ذمة نفس القضية أيضًا.
وفي 18 مارس 2022 توفيت السيدة بهيرة الشاوي زوجة صفوان ثابت ووالدة سيف صفوان ثابت وهي مقهورة على زوجها وابنها سيف ثابت، محرومة من رؤيتهما وقد سمحوا لزوجها وابنها أن يروها خمس دقايق قبل وفاتها بأيام وهي في غيبوبة، حتى أن لم تستطع أن تشعر بوجودهم إلى جانبها..
